© Federación Autismo Galicia | 21/02/2023 | Autismo Galicia aplaude o recoñecemento específico do TEA na Lei de Emprego, fundamental para promover a inclusión laboral das persoas con autismo

Autismo Galicia aplaude o recoñecemento específico do TEA na Lei de Emprego, fundamental para promover a inclusión laboral das persoas con autismo

A Lei de Emprego que se acaba de aprobar recoñece de maneira específica ás persoas con autismo como colectivo de alta vulnerabilidade. Reivindicamos o dereito á inclusión laboral dos homes e mulleres autistas no IV Congreso Nacional de Dereito da Discapacidade.

Seguimos dando pasos para promover o acceso ao emprego dos homes e mulleres con trastorno do espectro do autismo (TEA), un dereito fundamental que contribúe a mellorar a súa calidade de vida, xa que promove a súa autonomía persoal, a súa participación social e o seu acceso a unha vida independente.  

Grazas ao intenso labor de incidencia levada a cabo por Autismo España e Cermi Estatal, por fin fíxose realidade unha demanda histórica do movemento asociativo do autismo: o recoñecemento específico das persoas con TEA como colectivo de especial vulnerabilidade na nova Lei de Emprego, aprobada onte definitivamente no Congreso tras o seu paso polo Senado, no que se introduciron tamén reformas importantes para a discapacidade promovidas por CERMI Estatal.  

Antes da aprobación desta lei, os homes e mulleres no espectro do autismo quedaban fóra da lexislación en materia de emprego, aínda que tivesen recoñecido o grao de discapacidade igual ou superior ao 33%. Só recoñecíanse como colectivos de especial vulnerabilidade e maiores dificultades de acceso ao mercado de traballo as persoas con parálise cerebral, con trastorno da saúde mental ou con discapacidade intelectual.   

A nova Lei de emprego amplía os colectivos de atención prioritaria para a política de emprego, incluíndo de forma específica ás persoas con trastorno do espectro autista dentro dos colectivos con discapacidade. Isto supón que, a partir de agora, toda a lexislación laboral e normativas de emprego que emanen desta Lei marco terán que ter como referencia ás persoas con TEA cun grao de discapacidade recoñecido igual ou superior ao 33%, como colectivo especialmente vulnerable.   

Sen dúbida, trátase dun paso moi importante, que desde Autismo España esperamos que se complemente no futuro co resto de propostas que facemos desde o movemento asociativo do autismo para promover o acceso ao emprego das persoas autistas, tales como:   

1. Facilitar o acceso a unha variedade de experiencias laborais e oportunidades de emprego, contando cos apoios necesarios e accedendo a unha variedade de alternativas (emprego con apoio, programas de orientación profesional e intermediación sociolaboral, unidades especializadas, etc.) a través de itinerarios personalizados.    
2. Promover o acceso das persoas con TEA aos programas de emprego de colaboración social con entidades públicas, desenvolvendo alternativas flexibles para conseguilo.   
3. Avanzar no acceso real e efectivo das persoas con autismo ao emprego público.

O dereito ao traballo e á protección social das persoas con discapacidade

O recoñecemento desa especificidade do TEA para avanzar na inclusión laboral das persoas con autismo púxose tamén de manifesto estes días no "IV Congreso Nacional y I Congreso Internacional de Derecho de la Discapacidad" organizado pola Fundación Dereito e Discapacidade, Cermi Estatal, Concello de Barcelona e Asociación Española de Dereito do Traballo e da Seguridade Social.

Autismo España estivo presente nesta importante cita, que virou en torno ao dereito ao traballo e a protección social das persoas con discapacidade, a través de diferentes relatorios e comunicacións de xuristas e profesionais do movemento asociativo da discapacidade e do terceiro sector.

 

 

Fonte Autismo España

Volver