© Federación Autismo Galicia | 27/10/2023 | Día Internacional da Terapia Ocupacional. Reflexións de de Macarena Sánchez Carnero, terapeuta ocupacional en ASPERGA.

Día Internacional da Terapia Ocupacional. Reflexións de de Macarena Sánchez Carnero, terapeuta ocupacional en ASPERGA.

A terapia ocupacional intervén baixo unha mirada holística, observando todas as características da persoa, e sempre teniendo en cuenta as súas actividades significativas, os seus gustos e intereses. Reflexións de Macarena Sánchez Carnero, terapeuta ocupacional en ASPERGA.

Hoxe é un día para difundir e visibilizar a terapia ocupacional, unha disciplina sanitaria, próxima, humana e que capacita ás persoas para ser autónomas no seu día a día.
A terapia ocupacional é unha das vocacións máis descoñecidas de todas as sanitarias e sociosanitarias, caracterízase por unha esencia especial. A terapia ocupacional intervén baixo unha mirada holística, observando todas as características da persoa, e sempre teniendo en cuenta as súas actividades significativas, os seus gustos e intereses.

A terapia ocupacional é unha profesión emerxente, que se instala nos equipos interdisciplinares con gran valor e forza, ofrecendo unha mirada máis aló de limítelos mecánicos e estruturados da saúde. Ás e os terapeutas ocupacionais poderás atoparnos realizando intervención subidos a unha randeeira, escalando, no supermercado comprando ou indo ao parque, porque, a nosa maxia comeza en intervir en contornas seguras, divertidos e que poidan xeneralizarse no día a día das persoas coas que intervimos. Sérvenos de algo traballar o manexo de diñeiro nunha sala e nunha mesa? Salgamos ao súper e practiquemos! Os retos que nos pon o supermercado cos seus ruídos, a espera de quendas na cola e a interacción coa caixeira, non a atoparemos nunha sala de terapia. As contornas reais son os nosos grandes aliados!

Cando a terapia ocupacional entra na vida das persoas usuarias, as súas familias e a comunidade, as pezas do quebracabezas no día a día comézase a encaixar. O noso enfoque contribúe a observar á persoa desde diferentes perspectivas, sempre centrándonos nas capacidades e habilidades para que, sobre elas, podamos construír e chegar á autonomía persoal.

Temos un lema, recollido de “O principiño”, “O ESENCIAL É INVISIBLE Aos OLLOS”, así somos as e os terapeutas ocupacionais, profesionais que vemos máis aló, que nos involucramos na nosa práctica diaria e que sempre, buscamos a funcionalidade no día a día das persoas usuarias.
Feliz día da terapia ocupacional! Visibilicemos unha profesión tan necesaria!
 

Este artigo foi escrito por Macarena Sánchez Carnero, terapeuta ocupacional en ASPERGA.

Terapeuta ocupacional con vocación plena no ámbito da Atención Temperá, especialmente colectivo de nenas e nenos con TEA, onde volquéi toda a miña formación. Encántame o continuo aprendizaxe a través da práctica baseada na evidencia e a intervención a través do xogo. Desfruto moito traballando man a man coas diferentes disciplinas que formamos o equipo, e, por suposto, coas familias e sempre dentro dos entornos, que son as pezas clave para que todos os engrenaxes da cadea funcionen á perfección. As miñas inquedanzas e ideas sempre estarán enfocadas a que os nenos e as nenas busquen a autonomía no seu día a día e gocen xogando e aprendendo de calquera pequeno detalle deste mundo tan cambiante.

Grao en Terapia Ocupacional por la Facultad de Ciencias de la Salud de A Coruña
Posgrao en Atención Temperá
Máster en Intervención en Discapacidade e Dependencia
Acreditación DIR-101. Modelo DIRFloorTime. Acreditación ADI R.

 

 

Esta publicación forma parte do proxecto Axenda de Contidos de interés dentro do Programa de Incidencia Social da Federación Autismo Galicia, e forma parte da Estratexia para a Concienciación sobre o Autismo en Galicia.

Subvencionado pola Xunta de Galicia -Consellería de Política Social- a través das subvencións destinadas á realización de programas de interese xeral para fins de carácter social con cargo á asignación tributaria do 0,7% do Imposto sobre a renda das personas físicas (IRPF).

 

 

 

Volver