Cookies

Noticias 

© Federación Autismo Galicia | 03/11/2022 | Son Carolina, teño autismo e son xorda. Vivo nunha residencia para persoas adultas con autismo e ninguén nota que non os podo oír. CAMPAÑA ISTO É TEA

Son Carolina, teño autismo e son xorda. Vivo nunha residencia para persoas adultas con autismo e ninguén nota que non os podo oír. CAMPAÑA ISTO É TEA

Coñece a realidade das persoas con AUTISMO. Hoxe presentamos a  CAROLINA, persoa adulta con autismo. CAMPAÑA #ISTOÉTEA. O TEU APOIO TAMÉN É FUNDAMENTAL. AXÚDASNOS A DIFUNDILO?

 

03/11/2022

Hoxe presentamos a CAROLINA. CAMPAÑA #ISTOÉTEA #SomosTEA #SON1Máis.

Son Carolina, teño autismo e son xorda. Vivo nunha residencia para persoas adultas con autismo e ninguén nota que non os podo oír.

  • Comunícome cos monitores e compañeiros a través de pictogramas e signos.
  • A aula multisensorial é unha das miñas actividades preferidas, e aínda que non escoito a música relaxante, podo ver as luces tenues, as imaxes e a tranquilidade fan que me sinta moi ben. Reláxame a vibración do tubo de burbullas ao tocalo.
  • Tamén me gusta o taller de informática e coas tabletas dixitais onde os monitores me poñen aplicacións moi divertidas e aprendo moito.
  • E aínda que pareza incrible, un dos talleres que máis me gustan é o de musicoterapia, onde me entreteño manipulando os instrumentos musicais, sentindo as súas vibracións e xerando ritmos co meu propio corpo, tocando as palmas ou bailando.
  • A miña xordeira non me impide participar en ningunha das actividades do centro, só as vivo doutro xeito.
  • Os monitores, que me coñecen, saben que me teñen que falar de fronte e amosarme pictogramas ou signos para que eu poida entender mellor o que me din.

A realidade das persoas con TEA e xordeira

  • En ocasións, as persoas con autismo teñen tamén xordeira, pero isto non debe ser un obstáculo ou barreira para desenvolver unha vida normal.
  • A estimulación temperá e a intervención profesional e familiar son fundamentais para axudalos nas primeiras etapas da vida a desenvolver un sistema de comunicación que os acompañará na súa traxectoria vital.
  • Os métodos de comunicación alternativos como os pictogramas ou a fala signada son ferramentas imprescindibles para que as persoas xordas con autismo poidan comunicarse e recibir información e os axudará a ser suxeitos activos na sociedade.
  • O exceso de ruído ambiental non lles afecta

Os apoios que necesito

  • Imaxes ou pictogramas para comunicarme.
  • Que a xente me fale de fronte, e que se axude de signos que eu poida entender.
  • Espazos e materiais identificados e estructurados.
  • Rutinas que me dean tranquilidade.

En canto ao Trastorno do Espectro do Autismo.

Nos últimos anos comprobamos un aumento exponencial dos casos de TEA no mundo. Actualmente estímase que en España poden haber unhas 450.000 persoas con TEA e en Galicia unhas 27.000. O certo é que o número de persoas con diagnóstico de TEA segue aumentando, dando un incremento na prevalencia dun caso de TEA cada 100.

O TEA non desaparece aínda que as súas manifestacións poden cambiar ao longo do ciclo vital da persoa.

Han de terse en conta dous aspectos esenciais en relación aos enfoques baseados na calidade: a calidade de vida da persoa como un obxectivo primordial da intervención e, a calidade da intervención en si mesmas como un medio de asegurar os mellores resultados posibles en canto a independencia e autodeterminación (Barthélémy, Fuentes, Howlin, e Jan Van der Gaag, 2007).

O autismo non é unha enfermidade, non desaparece. Neste sentido, existen factores que van ter unha influencia determinante no desenvolvemento da persoa e na súa calidade de vida, como: 

E temos que entender ás persoas adultas con TEA como persoas con capacidade para participar e decidir activamente no desenvolvemento da súa propia vida, con independencia da intensidade ou complexidade das súas necesidades de apoio, é fundamental para a calidade de vida da persoa e para adaptar as intervencións e apoios.

A heteroxenidade coa que se manifesta o TEA fainos reflexionar sobre a especificidade das necesidades de apoio, sabendo que cos apoios necesarios calquera perosa con TEA pode chagar a desenvolver unha vida satisfactoria. Canto maior é a calidade dos apoios, mellores son as vidas que hai detrás.

Para iso é necesario coñecer os elementos que cada persoa considera imprescindibles para o desenvolvemento da súa vida, e ter en conta de maneira sistemática as preferencias, necesidades e intereses prioritarios para promover o logro de metas individuais e a mellora da satisfacción persoal desde unha perspectiva integral.

"A calidade de vida das persoas con autismo depende do coñecemento que a sociedade teña desta" Theo Peeters.

A Comisión de Comunicación da Federación Autismo Galicia lanza a Campaña de Concienciación Social sobre o AUTISMO: ISTO É TEA.

A pesar dos esforzos realizados e os avances acadados, o autismo non é suficientemente coñecido. Esta particular forma de procesar a información e situarse no mundo non é coñecida coa profundidade necesaria para procurar espazos sociais inclusivos para todas as persoas.

Temos como obxectivo xeral reflexionar e atopar as canles apropiadas para a sensibilización e para dar a coñecer o TEA en toda a a súa complexidade.

ISTO É TEA, xorde dunha reflexión conxunta para dar como resultado unha campaña divulgativa formada por diferentes accións en distintos formatos, que pretende concienciar e dar a coñecer o Trastorno do Espectro do Autismo tentando abarcar todas as súas diferentes manifestacións.

O deseño desta campaña forma parte da estratexia para a concienciación sobre o autismo en Galicia.

Por estas razones dende a Comisón de Comunicación da Federación Autismo Galicia composta polas entidades: Aspanaes, Apacaf, Fundación Menela, Asperga y Federación Autismo Galicia, coa participación de Antía Fernández Castro (Fundación Menela), Eva Pedreira e Sara Piñeiro (Aspanaes) María José García (Apacaf) Marigel López Martínez (Asperga) e Adriana Pazos Ottón (FAG), consideramos un obxectivo de prioridade reflexionar e atopar as canles apropiadas para a sensibilización e para dar a coñecer o TEA en toda a a súa complexidade.

 

 

ISTO É TEA é unha campaña de Concienciación Social deseñada pola Comisión de Comunicación da Federación Autismo Galicia, un proxecto subvencionado pola Xunta de Galicia – Consellería de Política Social.

 

 

 

 

COÑECE A CAMPAÑA ISTO É TEA:

Son ANTÓN, teño autismo e recoñecido o 85% de discapacidade. CAMPAÑA ISTO É TEA.

Son César, teño autismo e recoñecido o 33% de discapacidade. Son deseñador gráfico. CAMPAÑA ISTO É TEA.

Son Carmiña teño autismo e vivo nunha residencia. CAMPAÑA ISTO É TEA.

Son BRAIS, e son un neno con autismo. CAMPAÑA ISTO É TEA.

Son Raúl, teño autismo e estou a facer prácticas para axudante de mantemento.

Son Paula, teño autismo, e estou estudando oposicións para correos. CAMPAÑA ISTO É TEA

Segue a campaña ISTO É TEA.

#IstoéTEA

#SonUNMÁIS

#SomosTEA

SUSCRÍBETE AO BOLETÍN EN:

https://www.autismogalicia.org/index.php?V_dir=MSC&V_mod=showart&id=134

 

Archivada en:
Infórmate > Noticias