© Federación Autismo Galicia | 06/10/2021 | A alimentación nas persoas con TEA. Proxecto CoidamosTEA
A alimentación nas persoas con TEA. Proxecto CoidamosTEA
Presentámosvos un novo vídeo da serie pertencente ao Proxecto #CoidamosTEA, no que iremos compartindo algunhas das dificultades habituais que presentan as persoas con TEA e propoñendo estratexias sinxelas e prácticas para facilitar a vida diaria do voso familiar con TEA, a través das explicacións de varios profesionais das nosa rede de entidades federadas.
#CoidamosTEA
Unha alimentación adecuada na primeira infancia é a base para xerar a enerxía que precisa o menor para afrontar a vida decotío. Non só comer de xeito correcto, senón que supoña algo pracenteiro e gozoso logrando así benestar. Instaurar hábitos alimentarios salubres é fundamental nas persoas con TEA.
A continuación Susana Rodríguez Blanco Profesora Educación Especial xunto con Olga Lalín Garcia. Nai de persoa con TEA e socia da Fundación Menela falarannos con máis detalle deste tema
GUÍA Coidamos TEA: Guía para familias que reciben o diagnóstico de TEA
- No primeiro recollemos as inquedanzas e sentimentos que aparecen coa noticia do diagnóstico. Presentamos que é o autismo e as súas características. Para finalizar con este primeiro apartado, desmontaremos as falsas crenzas sobre o TEA.
- No segundo bloque, falaremos da importancia da Comunicación e dos diferentes tipos de Apoios que poden facilitar a calidade de vida da persoa con TEA e da súa familia. Así como os autocoidados das persoas coidadoras. Abordaremos tamén outros temas transversais como a Educación e a Intervención e Terapias.
- No terceiro bloque, recollemos bibliografía, recursos e o directorio de entidades federadas en Autismo Galicia.
PROXECTO CoidamosTEA
Dende o momento en que unha familia recibe un diagnóstico de TEA (trastorno do espectro do autismo) prodúcese un impacto que alterará a dinámica familiar. Estas requiren de moito apoio e de adquisición de competencias e habelencias que se van acadando coa experiencia e coa aprendizaxe recibida.
Co PROXECTO CoidamosTEA preténdese reforzar a capacitación das familias a partir de dúas accións de apoio: Informativa e Orientativa. Respóndese así ás necesidades fundamentadas da experiencia das persoas con TEA, as súas familias e coa especialización dos profesionais que realizan a atención.
Vídeo realizado coa colaboración de Fundación Menela.
Autoría: Susana Rodríguez Blanco Profesora Educación Especial
Coa participación de: Olga Lalín Garcia. Nai de persoa con TEA e socia da Fundación Menela.
Dirección e montaxe: Federación Autismo Galicia.
Subvencionado pola Xunta de Galicia, Consellería de Política Social, a través das subvencións destinadas á realización de programas de interese xeral para fins de carácter social con cargo á asignación tributaria do 0,7% do Imposto sobre a renda das persoas físicas (IRPF).
