© Federación Autismo Galicia | 30/06/2021 | Aprobada a vacinación de persoas maiores de 12 anos grandes dependentes e que acudan a centros de atención a persoas con discapacidade intelectual, centros tutelados e de educación especial.

Aprobada a vacinación de persoas maiores de 12 anos grandes dependentes e que acudan a centros de atención a persoas con discapacidade intelectual, centros tutelados e de educación especial.

Desde Autismo Galicia reivindicamos que se acelere a vacinación do colectivo en todas as franxas de idade.

A Comisión de Saúde Pública acaba de aprobar a actualización 8 da "Estratexia de Vacinación fronte a COVID-19 en España", que incorpora tres novos grupos a vacinar (grupo 11: persoas entre 30 e 39 anos; grupo 12: persoas entre 20 e 29 anos e grupo 13: persoas entre 12 e 19 anos) e a posibilidade de ir solapando a captación de diferentes grupos, mantendo a orde de idade descendente, dada a maior dispoñibilidade de vacinas e o estado da situación epidemiolóxica.

O documento lembra tamén que, recentemente, ampliouse a indicación da vacina de Pfizer a persoas a partir de 12 anos sinalando que, de momento, vacinarase a aquelas con condicións de moi alto risco, grandes dependentes e quen acode a centros de atención a persoas con discapacidade intelectual, centros tutelados e de educación especial.

Esta priorización supón que, previsiblemente, acelerarase a vacinación para boa parte das persoas con trastorno do espectro do autismo ( TEA) incluída neste grupo de idade. Ademais, a actualización sinala que as persoas que xa recibiron a pauta de vacinación completa e sexan consideradas contacto estreito estarán, de forma xeral, exentas da corentena. En relación aos cribados, só realizaranse cando as autoridades sanitarias considéreno necesario.  

Desde Autismo Galicia lembramos que a anterior actualización da Estratexia de Vacinación fronte á COVID-19 xa recollía a todas as persoas con TEA, polo que reclamamos que se acelere a vacinación do colectivo en todas as franxas de idade.