11/06/2019 | PDF | 368 KB

Proxecto de Accesibilidade Cognitiva de Autismo Galicia no concello de Cangas

Por un mundo máis compresible.

O Concello de Cangas únese ao Proxecto de Accesibilidade Cognitiva de Autismo Galicia coa colocación de  pictogramas nos centros educativos.

Autismo Galicia, en colaboración coa Concellería de ensinanza e deporte dirixida por Xoán Carlos Chillón Iglesias, leva a cabo o proxecto de Accesibilidade Cognitiva, cuxa finalidade é a mellora da accesibilidade cognitiva nos centros educativos do Concello mediante a colocación de pictogramas Arasaac.

Os centros educativos do Concello de Cangas serán, a partir de hoxe, máis comprensibles para as persoas con Trastorno do Espectro do Autismo. O proxecto lévase a cabo nun total de 8 espazos, con máis de 500 pictogramas, nos que se atopan o CEIP Nazaret, CEIP A Rúa, CEIP Castrillón, CEIP O Hío, CEIP Espiñeira de Aldán, CEIP San Roque Darbo, a Escola infantil Galiña Azul de O Hío e a Escola infantil Galiña azul Choupana

Archivado en:
Sala de Prensa > Notas de Prensa