Cookies

Noticias 

© Federación Autismo Galicia | 09/09/2021 | VIDEO O APOIO CONDUTUAL POSITIVO

VIDEO O APOIO CONDUTUAL POSITIVO: Traballando dende a prevención. Proxecto CoidamosTEA

Presentámosvos un novo vídeo da serie pertencente ao Proxecto #CoidamosTEA, no que iremos compartindo algunhas das dificultades habituais que presentan as persoas con TEA e propoñendo estratexias sinxelas e prácticas para facilitar a vida diaria do voso familiar con TEA, a través das explicacións de varios profesionais das nosa rede de entidades federadas.

09/09/2021

#CoidamosTEA

O obxectivo é acadar cambios no estilo de vida do persoa que lle permitan participar nas actividades da comunidade. O Apoio Condutual Positivo pódese aplicar a calquera área vital da persoa como desenvolvemento persoal, saúde, social, familiar, tempo de lecer.

Un aspecto a salientar desta técnica é o enfoque preventivo que posúe. Facilitando unha alternativa eficaz ao manexo dos problemas de conduta con bos resultados. Por todo isto a consideramos como un recurso aliado para axudar a superar as dificultades condutuais das persoas con TEA.

A continuación Lucía Cacheda Pérez. Psicóloga da Asociación APACAF. falaranos con máis detalle deste tema

 

GUÍA Coidamos TEA: Guía para familias que reciben o diagnóstico de TEA

Recadamos varios aspectos na guía recollidos en 3 bloques:
 
  • No primeiro recollemos as inquedanzas e sentimentos que aparecen coa noticia do diagnóstico. Presentamos que é o autismo e as súas características. Para finalizar con este primeiro apartado, desmontaremos as falsas crenzas sobre o TEA.
  • No segundo bloque, falaremos da importancia da Comunicación e dos diferentes tipos de Apoios que poden facilitar a calidade de vida da persoa con TEA e da súa familia. Así como os autocoidados das persoas coidadoras. Abordaremos tamén outros temas transversais como a Educación e a Intervención e Terapias.
  • No terceiro bloque, recollemos bibliografía, recursos e o directorio de entidades federadas en Autismo Galicia.

 

CONSULTA E DESCARGA A GUÍA Coidamos TEA: Guía para familias que reciben o diagnóstico de TEA. PREME AQUÍ

PROXECTO CoidamosTEA

Dende o momento en que unha familia recibe un diagnóstico de TEA (trastorno do espectro do autismo) prodúcese un impacto que alterará a dinámica familiar. Estas requiren de moito apoio e de adquisición de competencias e habelencias que se van acadando coa experiencia e coa aprendizaxe recibida.

Co PROXECTO CoidamosTEA preténdese reforzar a capacitación das familias a partir de dúas accións de apoio: Informativa e Orientativa. Respóndese así ás necesidades fundamentadas da experiencia das persoas con TEA, as súas familias e coa especialización dos profesionais que realizan a atención.

Vídeo realizado coa colaboración Asociación APACAF.

Autoría: Lucía Cacheda Pérez. Directora técnica e psicóloga. Coordinadora de grupo do servizo de ocio e tempo libre. Asociación APACAF

Dirección e montaxe: Federación Autismo Galicia.

Subvencionado pola Xunta de Galicia, Consellería de Política Social, a través das subvencións destinadas á realización de programas de interese xeral para fins de carácter social con cargo á asignación tributaria do 0,7% do Imposto sobre a renda das persoas físicas (IRPF).

 



 

 

Archivada en:
Infórmate > Noticias