Noticias 

© Federación Autismo Galicia | 30/06/2021 | O Desenvolvemento afectivo-sexual na adolescencia. Proxecto CoidamosTEA

VIDEO O Desenvolvemento afectivo-sexual na adolescencia. Proxecto CoidamosTEA

Presentámosvos un novo vídeo da serie pertencente ao Proxecto CoidamosTEA, no que iremos compartindo algunhas das dificultades habituais que presentan as persoas con TEA e propoñendo estratexias sinxelas e prácticas para facilitar a vida diaria do voso familiar con TEA.

30/06/2021

#CoidamosTEA

A partir do diagnóstico de TEA actívanse os mecanismos de atención terapéutica personalizada co fin de potenciar as capacidades da persoa. Con todo, a abordaxe das emocións, os afectos e a sexualidade queda por veces nun segundo plano priorizando áreas como a médica, educativa, habilidades sociais, de comunicación, laborais etc.

O desenvolvemento afectivo-sexual representa un piar básico na educación das persoas ao longo da súa vida, con especial fincapé na etapa da mocidade. Este supón sentar as bases dunha nenez saudable e xerar unha contorna segura.

A continuación SIRA CERVIÑO CARRO, Terapeuta ocupacional da Asociación ASPERGA falaranos polo miúdo deste tema.

GUÍA Coidamos TEA: Guía para familias que reciben o diagnóstico de TEA

Recadamos varios aspectos na guía recollidos en 3 bloques:
 
  • No primeiro recollemos as inquedanzas e sentimentos que aparecen coa noticia do diagnóstico. Presentamos que é o autismo e as súas características. Para finalizar con este primeiro apartado, desmontaremos as falsas crenzas sobre o TEA.
  • No segundo bloque, falaremos da importancia da Comunicación e dos diferentes tipos de Apoios que poden facilitar a calidade de vida da persoa con TEA e da súa familia. Así como os autocoidados das persoas coidadoras. Abordaremos tamén outros temas transversais como a Educación e a Intervención e Terapias.
  • No terceiro bloque, recollemos bibliografía, recursos e o directorio de entidades federadas en Autismo Galicia.

 

CONSULTA E DESCARGA A GUÍA Coidamos TEA: Guía para familias que reciben o diagnóstico de TEA. PREME AQUÍ

PROXECTO CoidamosTEA

Dende o momento en que unha familia recibe un diagnóstico de TEA (trastorno do espectro do autismo) prodúcese un impacto que alterará a dinámica familiar. Estas requiren de moito apoio e de adquisición de competencias e habelencias que se van acadando coa experiencia e coa aprendizaxe recibida.

Co PROXECTO CoidamosTEA preténdese reforzar a capacitación das familias a partir de dúas accións de apoio: Informativa e Orientativa. Respóndese así ás necesidades fundamentadas da experiencia das persoas con TEA, as súas familias e coa especialización dos profesionais que realizan a atención.

Vídeo realizado coa colaboración Asociación Asperga.

Autoría: SIRA CERVIÑO CARRO. Terapeuta Ocupacional. Asociación ASPERGA.

Dirección e montaxe: Federación Autismo Galicia.

Subvencionado pola Xunta de Galicia, Consellería de Política Social, a través das subvencións destinadas á realización de programas de interese xeral para fins de carácter social con cargo á asignación tributaria do 0,7% do Imposto sobre a renda das persoas físicas (IRPF).

 



 

 

Archivada en:
Infórmate > Noticias

Volver