Cookies

Formación y actividades

© Federación Autismo Galicia | 05/08/2019 | Asociación Un Máis. Verán 2019

Xacobeo para tod@s, da Asociación Un Máis visitan o Centro de Interpretación “Tui, Camiño de Santiago”

Visitas guiadas para os nenos e nenas de 4 a 18 anos que están a participar no campamento inclusivo que imparte a Asociación Un Máis

18/07/2019 - | TUI

O alumnado da especialidade de “Promoción turística local e información ao visitante”  do obradoiro de emprego “Percorre Tui”  realizaron ao longo desta mañá varias visitas guiadas para os nenos e nenas de 4 a 18 anos que están a participar no campamento inclusivo que dende comezos de mes imparte a Asociación Un Máis.  No campamento están a participar 25 nenos e nenas, dos que 13 teñen TEA, xunto a voluntarios e monitores.
 
Tratouse dunhas serie de visitas moi especiais, e en grupos reducidos, nas que os guías, cunha linguaxe sinxela e apoiados por pictogramas, explicaron aos pequenos visitantes as características do Centro de Interpretación “Tui, Camiño de Santiago” situado no antigo convento de San Domingos.  Así puideron coñecer algunhas pinceladas da historia do edificio, percorrendo o seu interior, como o claustro dende onde admiraron o campanario da igrexa de San Domingos, e tamén as caixas luz que ilustran cada unha das etapas até Santiago.
 
Precisamente para esta ocasión colocáronse amais fotografías das visitas que os participantes no campamento de Un Máis realizaron xa a algúns puntos do Camiño como a Catedral de Tui, O Porriño ou Redondela.  No remate entregáronlles e seláronlles a Credencial de Visita ao Centro de Interpretación, convidándoos a realizar un debuxo daquilo que máis lles gustou durante a visita.
 
 
Lugar de celebración:

Convento de San Domingos.

Archivada en:
Infórmate > Formación y Actividades
Entidades > > UN MAIS