© Federación Autismo Galicia | 20/09/2022 | A presidenta da Federación Autismo Galicia acompañou ao presidente de Aspanaes, na visita das autoridades as instalacións do Monte do Gozo.

A presidenta da Federación Autismo Galicia acompañou ao presidente de Aspanaes, na visita das autoridades as instalacións do Monte do Gozo.

O presidente da Deputación da Coruña, Valentín González Formoso, acompañado da deputada provincial e concelleira de Políticas Sociais de Santiago de Compostela, Mila Castro, e do concelleiro de Medio Rural, José Manuel Pichel, visitaron este luns a sede da Asociación Aspanaes en Santiago de Compostela, localizada no Monte do Gozo.

Nesta visita as instalación da sede da Asociación de Pais de Persoas con Trastorno de Espectro Autista (Aspanaes) en Santiago de Compostela, localizada no Monte do Gozo, acudiron o presidente da Deputación da Coruña, Valentín González Formoso, acompañado da deputada provincial e concelleira de Políticas Sociais de Santiago de Compostela, Mila Castro, e do concelleiro de Medio Rural, José Manuel Pichel, foron recibidos polo presidente de Aspanaes, Ignacio Labella; a vicepresidenta da entidade e tamén presidenta da Federación Autismo de Galicia, Mercedes Fernández; o xerente de Aspanaes, José Alén; e o director do centro, Francisco Raúl Crespo.

Valentín González Formoso declarou que "Desde a Deputación temos unha colaboración permanente con Aspanaes e coas entidades sociais de toda a provincia que suplementan, complementan e enriquecen o sistema público de protección social", e afirmou que "a sociedade ve respostas a estas necesidades pola labor dun terceiro sector que, claramente, non fai o sistema público galego".

Durante a visita ás instalacións, a directiva trasladoulle a Formoso o traballo que se realiza no local, que conta cun servizo de atención diúrna, así como as demandas en relación á atención das persoas afectadas polo Trastorno do Espectro Autista (TEA).

Desde a Federación Autismo Galicia agradecemos o compromiso, o mimo, e o apoio que recibimos dende a administración, cara as nosas entidades, como Aspanaes que levan anos e historia construindo un futuro mellor e cos obxectivos de obter unha maior calidade de vida, de servizos, e de atención para as persoas con autismo.

 

A presidenta da Federación, Mercedes Fernadez Angulo declarou: "Temos que ser referentes en todos servizos da comunidade: a educación, a sanidade, a accesibilidade cognitiva, o lecer, o deporte...A Federación Autismo Galicia debe seguir traballando para avanzar e apostando pola especificidade do TEA e a especialización dos seus servizos. Estamos aquí para seguir construíndo espazos nos que sumar accións, con todo o armazón social, as diferentes redes asociativas, e os representatnes da administración, puntais fundamentais para a nosa continuidade"

Pola súa banda, o presidente de Aspanaes, Ignacio Labelle, sinalou que desde a asociación están "encantados" coa visita de Formoso xa que puido ver "o traballo que se está realizando aquí grazas, entre outras cousas, a axuda que nos prestou a Deputación da Coruña".

O xerente de Aspanaes, José Alén, tamén agradeceu a colaboración da Deputación que serviu para dotar de equipamento ao centro e poder seguir traballando coas persoas usuarias "e darlles apoios específicos e especializados".

Ante a necesidade de facer fronte a todas as peticións, e co obxectivo de prestar un servizo de calidade ás 28 persoas usuarias do centro na actualidade, a Deputación asinou un acordo de colaboración con Aspanaes para dotar ao novo centro de mobiliario como mesas, cadeiras fixas e xiratorias, armarios de diferentes tamaños e outro material destinado a mellorar a habitabilidade do espazo e as súas actividades.

Traballos e colaboracións coma esta son a proba de que debemos seguir traballando polo noso colectivo xuntas e  defendendo os dereitos dos colectivo das perosas con Autismo e as súas familias, para crear unha sociedade diversa e inclusiva.

 

Volver