Noticias
© Fedearción Autismo Galicia | 13/05/2022 | No Día Internacional das Familias lembramos que a familia é a principal fonte de apoio para as persoas con autismo.
No Día Internacional das Familias lembramos que a familia é a principal fonte de apoio para as persoas con autismo.
Autismo Galicia insta á necesidade de que se teña en conta a realidade de moitas persoas con TEA e as súas familias e que as políticas sociais e de apoio sexan de calidade, con medidas que lles permitan conciliar a vida familiar e laboral, que eviten situacións de sobrecarga e que incorporen sistemas integrais de apoio.
13/05/2022
O Día Internacional das Familias é unha forma de destacar o importante papel que as familias teñen nas comunidades e tamén de exporse identificar e analizar cuestións que afectan o seu desenvolvemento e evolución. A familia é polo xeral a base máis importante para a persoa con TEA.
A familia é a principal fonte de apoio para as persoas con autismo.
Despois dun diagnóstico de TEA na familia vese reducida a súa capacidade adquisitiva e o seu volume de aforro, pola necesidade de empregar eses recursos en terapias. Ademais entre outras situacións, é habitual que un membro da parella reduza a súa xornada laboral ou deixe o emprego. As familias de persoas con autismo teñen necesidades propias de apoio.
Tamén se pode dar, que a familia teña que facer moitas máis horas de traballo para conseguir obter unha maior cantidade de recursos económicos para poder sufragar o sobrecusto ao que se teñen que enfrontar, provocando unha redución drástica de tempo de calidade que poden pasar en familia e consecuentemente converténdose en máis vulnerables ao cansazo, ao estrés e ao illamento social.
Outra das cuestións de gran importancia é a diferenza de posibilidades de acceso a recursos de apoio en función da residencia ou o sobrecusto que supón o ter que desprazarse e que a persoa con TEA reciba unha atención adecuada ás súas necesidades. En función das posibilidades de atención das necesidades das persoas con TEA e as circunstancias na contorna social, laboral e económico, trae consecuencias negativas á calidade de vida das persoas con autismo e as súas familias.
Autismo Galicia insta á necesidade de que se teña en conta a realidade de moitas persoas con TEA e as súas familias e que as políticas sociais e de apoio sexan de calidade, con medidas que lles permitan conciliar a vida familiar e laboral, que eviten situacións de sobrecarga e que incorporen sistemas integrais de apoio.
Desde O SERVIZO DE ORIENTACIÓN E INFORMACIÓN da Federación Autismo Galicia realízase, asesoramento e información sobre os itinerarios para a realización do diagnóstico no caso de non habelo, e a posterior valoración, orientación e atención ás necesidades dentro dos servizos da rede de entidades da Federación.
Archivada en:
Infórmate > Noticias