© Federación Autismo Galicia | 21/09/2021 | AUTISMO, SONO E HIXIENE NO DESCANSO: Apagar o corpo para espertar con novas enerxías. Proxecto CoidamosTEA

AUTISMO, SONO E HIXIENE NO DESCANSO: Apagar o corpo para espertar con novas enerxías. Proxecto CoidamosTEA

Presentámosvos un novo vídeo da serie pertencente ao Proxecto #CoidamosTEA, no que iremos compartindo algunhas das dificultades habituais que presentan as persoas con TEA e propoñendo estratexias sinxelas e prácticas para facilitar a vida diaria do voso familiar con TEA, a través das explicacións de varios profesionais das nosa rede de entidades federadas.

#CoidamosTEA

O sono é unha necesidade biolóxica a coidar. Ter sono de calidade supón restaurar e reorganizar tanto as funcións psicolóxicas como as físicas esenciais que consumimos durante o día. Como recargar as baterías. Deste modo se afianzan aprendizaxes, mellora a atención, concentración e memoria e tamén favorece o benestar emocional.

En que consiste a hixiene do sono? Ben, unha cousa é durmir e outra é durmir tendo un descanso de calidade. Neste caso entra a o hixiene do descanso, conxunto de prácticas que nos axudan a durmir ben.

Os trastornos do sono nas persoas con TEA son bastante comúns, precisando por tanto, dunha rutina marcada e rigorosa para acadaren descanso de calidade.

A continuación Antonio Fariña Rey. Coordinador de programacións e ECA. Coordinador de grupo do servizo de ocio e tempo libre. Asociación APACAF. falaranos con máis detalle deste tema.

GUÍA Coidamos TEA: Guía para familias que reciben o diagnóstico de TEA

• No primeiro recollemos as inquedanzas e sentimentos que aparecen coa noticia do diagnóstico. Presentamos que é o autismo e as súas características. Para finalizar con este primeiro apartado, desmontaremos as falsas crenzas sobre o TEA.
• No segundo bloque, falaremos da importancia da Comunicación e dos diferentes tipos de Apoios que poden facilitar a calidade de vida da persoa con TEA e da súa familia. Así como os autocoidados das persoas coidadoras. Abordaremos tamén outros temas transversais como a Educación e a Intervención e Terapias.
• No terceiro bloque, recollemos bibliografía, recursos e o directorio de entidades federadas en Autismo Galicia.

 

CONSULTA E DESCARGA A GUÍA Coidamos TEA: Guía para familias que reciben o diagnóstico de TEA. PREME AQUÍ

PROXECTO CoidamosTEA

Dende o momento en que unha familia recibe un diagnóstico de TEA (trastorno do espectro do autismo) prodúcese un impacto que alterará a dinámica familiar. Estas requiren de moito apoio e de adquisición de competencias e habelencias que se van acadando coa experiencia e coa aprendizaxe recibida.

Co PROXECTO CoidamosTEA preténdese reforzar a capacitación das familias a partir de dúas accións de apoio: Informativa e Orientativa. Respóndese así ás necesidades fundamentadas da experiencia das persoas con TEA, as súas familias e coa especialización dos profesionais que realizan a atención.

Vídeo realizado coa colaboración Asociación APACAF.

Autoría: Antonio Fariña Rey. Coordinador de programacións e ECA. Coordinador de grupo do servizo de ocio e tempo libre. Diplomado en Educación Física e Educación Primaria. Asociación APACAF.

Dirección e montaxe: Federación Autismo Galicia.

Subvencionado pola Xunta de Galicia, Consellería de Política Social, a través das subvencións destinadas á realización de programas de interese xeral para fins de carácter social con cargo á asignación tributaria do 0,7% do Imposto sobre a renda das persoas físicas (IRPF).

 

 

 

Volver