Cookies

Noticias 

© Federación Autismo Galicia | 17/03/2023 | Autismo Galicia participa no encontro de Federacións de Autismo España para reforzar a cohesión e a unidade.

Autismo Galicia participa no encontro de Federacións de Autismo España para reforzar a cohesión e a unidade.

Na sede da Confederación Autismo España reunímonos a pasada fin de semana coas presidencias, xerencias e direccións técnicas das dez federacións socias.

16/03/2023

Autismo Galicia estivo presente no segundo encontro de Federacións de Autismo España para reforzar a cohesión e a unidade A sede da Confederación recibiu a pasada fin de semana a presidentes, xerentes e directores técnicos das dez federacións socias.

Coordinación operativa, posicionamentos políticos conxuntos e unión do movemento social e do tecido asociativo do autismo, temas principais do encontro.

O II Encontro de Federacións da Confederación, unha cita que ten como obxectivo xerar un espazo de diálogo, debate reflexivo e participación que permita fomentar a cohesión asociativa e avanzar en posicionamentos comúns nos principais ámbitos de interese para as persoas con trastorno do espectro do autismo (TEA) e as súas familias.  

O encontro estivo presidido por Miguel Ángel de Casas, presidente de Autismo España e resto de integrantes da súa Xunta Directiva da que Autismo Galicia forma parte, e contou coa presenza e participación dos/as presidentes/as, xerentes e directores/as técnicos/as das dez federacións socias da Confederación:
  •     Federación Autismo Andalucía  
  •     Federación Autismo Castela-Mánchaa  
  •     Federación Autismo Castela e León  
  •     Federación Autisme Catalunya
  •     Federación Autismo Estremadura  
  •     Federación Autismo Galicia  
  •     Federación Autismo Madrid
  •     Federació Catalá d’Autisme
  •     Federación de Autismo da Región de Murcia  
  •     Federación Española de Autismo FESPAU

Entre os temas principais que se debateron, destacaron a unidade de acción e coordinación operativa entre Autismo España e as federacións en ámbitos como a formación, a captación de fondos ou a incidencia política e social co fin de obter sinerxias e ser máis produtivos; a necesidade de dispoñer de posicionamentos políticos e técnicos conxuntos e mensaxes de unidade e consenso que contribúan á unión do movemento social e do tecido asociativo do autismo para traballar de maneira máis coordinada a favor dos dereitos das persoas con autismo e as súas familias.

Un importante encontro, que servirá para seguir avanzando xuntos na mellora da calidade de vida das persoas con TEA e as súas familias.
 
 
 

 

 

Archivada en:
Infórmate > Noticias