Cookies

Noticias 

© Federación Autismo Galicia | 09/03/2023 | A Federación Autismo Galicia convoca ao seu colectivo da Rede de entidades a unha experiencia compartida con motivo da conmemoración do Día Mundial do Autismo.

A Federación Autismo Galicia convoca ao seu colectivo da Rede de entidades a unha experiencia compartida con motivo da conmemoración do Día Mundial do Autismo.

Mural Art Experience, é unha experiencia compartida, na que construír e sumar, no camiño do recoñecemento social do autismo, reclamando aceptación, tolerancia e respecto, mirando de fronte e con orgullo as nosas fortalezas e tamén as nosas necesidades, coas que con valentía loitamos dia a día. Nesta actividade os nosos trazos reivindican o TEA, chamándoo polo seu nome Te, E, A, Trastorno do Espectro do Autismo.

 

09/03/2023

INVITACIÓN a Celebrar conxuntamente o Día Mundial do Autismo.
Mural Art Experience. Unha actividade con motivo da conmemoración do Día Mundial do Autismo. 
 

DATA: 31 de Marzo de 2023.
HORARIO da Actividade: 11:00h. – 14.30h.
MODALIDADE: PRESENCIAL.
LUGAR: Auditorio de Galicia. Santiago de Compostela.
PERSOAS DESTINATARIAS: Dirixido a persoas con TEA, familias, profesionais e demais persoas interesadas.

PRAZO DE INSCRICIÓN: Ata o mércores 22 de marzo de 2023.

 
Organiza: Federación Autismo Galicia
Financiado por: Consellería de Política Social e Xuventude.
Colabora: Concello de Santiago de Compostela.
 

PROGRAMA:

11:00h: Benvida a todas as persoas participantes.

Recibirémosvos na entrada do auditorio.

11:00h . RECEPCIÓN E Presentación da actividade.

  1. Benvida a cargo de Mª Mercedes Fernández, presidenta da Federación Autismo Galicia.
  2. Benvida a cargo de Adriana Pazos, responsable de Comunicación e Incidencia Social da Federación Autismo Galicia.
  3. David Planas, artista, contarannos como será a actividade.

11:30H . INICIO DAS ACTIVIDADES:

A duración das actividades serán de 11.30 h a 13. 30 h. A actividade principal é Mural Art Experience. As actividades secundarias ás que podedes acceder son Collage experience e Sinature experience. 

ACTIVIDADE PRINCIPAL. MURAL ART EXPERIENCE

Esta actividade esta a cargo do recoñecido artista David Planas.

Desenvolvemento: Construiremos un mural en compañía das nosas familias, das persoas coas que traballamos e profesionais con quen compartimos o noso día a día, baixo a supervisión do artista David Planas e o equipo da Federación Autismo Galicia.

ACTIVIDADES ALTERNATIVAS que podedes realizar:

ACTIVIDADE 2. COLLAGE EXPERIENCE

ACTIVIDADE 3. SINATURA EXPERIENCE

 

13.30h a 14:00h: ACTO OFICIAL: Contaremos coa compaña de representantes da Consellería de Política Social e Concello de Santiago de Compostela.

  • Abre o acto a presidenta da Federación Autismo Galicia, Mercedes Fernández Angulo
  • Intervención do Concello de Santiago, a cargo da tenente do alcalde de Concello de Santiago, Mercedes Rosón Ferreiro
  • Intervención do director xeneral de Maiores e Persoas con Discapacidade da Xunta de Galicia, Fernando González Abeijón
  • LECTURA do MANIFESTO a cargo de Álex Rodríguez Lorenzo, persoa con autismo da entidade “Por Eles TEA”.
  • Agradecementos da presidenta da Federación Autismo Galicia e peche do acto.

 

14.00h a 15:00h: Pinchos.

 

 

 

DESCRICIÓN:

Reunirse en equipo é o principio. Manterse en equipo é o progreso.
    Traballar en equipo asegura o éxito.
    Henry Ford


O trazo de cor dá forma á túa composición. Ti e todas as persoas con autismo reinventades o destino cunha mirada distinta, creativa, única. Un traballo en equipo que modela o futuro, creando un novo destino, no que podamos formar parte plenamente da sociedade e do mundo que nos rodea, un mundo de aceptación e coñecemento do TEA.

Mural Art Experience, é unha experiencia compartida, na que construír e sumar, no camiño do  recoñecemento social do autismo, reclamando aceptación, tolerancia e respecto, mirando de fronte e con orgullo as nosas fortalezas e tamén as nosas necesidades, coas que con valentía loitamos dia a día. Nesta actividade os nosos trazos reivindican o TEA, chamándoo polo seu nome Te, E, A, Trastorno do Espectro do Autismo.

Construiremos un mural en compañía das nosas familias, das persoas coas que traballamos e profesionais con quen compartimos o noso día a día, creando lazos para seguir avanzando xuntas, man a man, trazo a trazo, nunha sinfonía de cor tan infinita e variable como o é o TEA.

Este taller participativo-cooperativo será supervisado e guiado polo artista David Planas, e o equipo da Federación Autismo Galicia.

Comezaremos coa benvida das persoas participantes e a explicación da actividade. Logo darémoslle a cada grupo o seu material e mostrarémoslles como usalo para crear os seus murais/lenzos. Os equipos intervirán os lenzos, que terminarán unindo nun único mural colectivo.

Unha vez distribuído o material e dadas as explicacións de cada grupo, os equipos terán que traballar no seu mural, vivindo unha experiencia activa, creativa e de colaboración.

 
 
 
MÁIS INFORMACIÓN EN // formacion@autismogalicia.org // Teléfono: 981 589 365
 

 

Subvencionado pola Xunta de Galicia -Consellería de Política Social e Xuventude.

 


 

 

Archivada en:
Infórmate > Noticias