Noticias
1 de 1
© Federación Autismo Galicia | 03/10/2022 | O proxecto RUMBO, no que particpa a Federación Autismo Galicia, para dotar de novos modelos de vida independente ás persoas con discapacidade, recibe o premio cermi.es 2022.
O proxecto RUMBO, no que participa a Federación Autismo Galicia para dotar de novos modelos de vida independente ás persoas con discapacidade, recibe o premio cermi.es 2022.
Na categoría de Mellor Práctica de Cooperación Asociativa foi o Proxecto Rumbo, unha iniciativa do movemento asociativo da discapacidade que expón implantar un novo modelo de apoio á autonomía e a vida independente de persoas con discapacidade, combinando servizos e recursos que permitan evitar a institucionalización e manter ás persoas na súa contorna, facilitando formas de vida inclusivas en condicións de seguridade, accesibilidade e benestar.
03/10/2022
Rumbo, o proxecto que busca dotar de novos modelos de vida independente ás persoas con discapacidade
O obxectivo do proxecto é impulsar o deseño de modelos innovadores de apoio á autonomía persoal e a vida independente de persoas con discapacidade, especialmente aquelas con maiores necesidades de apoios, mediante a combinación de servizos e recursos que poidan facilitar unha forma de vida inclusiva na sociedade en condicións de seguridade, accesibilidade e benestar. Este proxecto, que conta coa participación de 22 entidades destas confederacións repartidas en cinco comunidades autónomas, está financiado polo Ministerio de Dereitos Sociais e Axenda 2030, con cargo ao Plan de Recuperación, Transformación e Resiliencia do Goberno de España, ligado á súa vez aos fondos NextGenerationEU da Unión Europea.
As persoas con discapacidade poderán acceder a novos modelos de vida independente e de participación activa na sociedade grazas ao ‘Proxecto Rumbo: cara a un modelo de autonomía persoal conectada e inclusiva’.
Máis de 3,5 millóns de persoas con discapacidade en España poderán beneficiarse desta iniciativa colaborativa na que participan cinco organizacións estatais do Terceiro Sector (da discapacidade) xunto ao seu tecido asociativo.
A Confederación Española de Persoas con Discapacidade Física e Orgánica (COCEMFE), a Federación Española de Dano Cerebral (FEDACE), a Confederación ASPACE, a Plataforma Representativa Estatal de Persoas con Discapacidade Física (PREDIF) e a Confederación Autismo España aúnan esforzos en busca de novos modelos que fagan realidade unha vida independente e participativa para estas persoas, en especial aquelas con maiores necesidades de apoio. O obxectivo é impulsar o deseño de modelos innovadores de apoio á autonomía persoal, a vida independente e a participación social de persoas con discapacidade.
Desta forma, Rumbo pretende dar resposta á Convención Internacional sobre os Dereitos das Persoas con Discapacidade, que, no seu artigo 19 recoñece o dereito para vivir de forma independente. E é que, a falta de servizos adecuados na comunidade, a dificultade de acceso á vivenda ou a falta de apoio técnico e asistencia persoal, xunto á escaseza de medios económicos e materiais, son os principais retos aos que se enfrontan as entidades do Proxecto Rumbo.
Para dar resposta a todos eles, trabállase en solucións innovadoras para adecuar as condicións de vida e a contorna ás necesidades das persoas con discapacidade. Así, durante tres anos o Proxecto Rumbo coordinará o traballo de 22 entidades en diferentes comunidades autónomas (Andalucía, Aragón, Cataluña, Castela e León e Galicia) nas que se está analizando a situación actual de necesidades e apoios cos que contan a día de hoxe as persoas con discapacidade. Desta análise xurdirán diferentes propostas, accións e iniciativas que se axustarán ás demandas que requiren as persoas de cada colectivo da discapacidade. Aínda que o prazo para levar a cabo estas actuacións finaliza en decembro de 2024, o Proxecto Rumbo abórdase cunha visión integradora, global e sostible no tempo.
Esta iniciativa está subvencionada polo Ministerio de Asuntos Sociais e Axenda 2030 con cargo ao Plan de Recuperación, Transformación e Resiliencia do Goberno de España, ligado aos fondos NextGenerationEU da Unión Europea.
Fontes Autismo España e CERMI.
Archivada en:
Infórmate > Noticias