Noticias
© Federación Autismo Galicia | 16/05/2022 | Información para familias e persoas con TEA: A Xunta de Galicia lanza os Campamentos de Verán para persoas con discapacidade.
Información para familias e persoas con TEA: A Xunta de Galicia lanza os Campamentos de Verán para persoas con discapacidade.
A Consellería de Política Social da Xunta de Galicia oferta este verán actividades para persoas que teñan recoñecida unha porcentaxe de discapacidade igual ou superior ao 33%, con propostas para os meses de xullo, agosto e setembro.
16/05/2022
Prazas de campamentos de verán da Dirección Xeral de Xuventude, Participación e Voluntariado da Xunta de Galicia.
A Dirección Xeral de Xuventude, Participación e Voluntariado da Xunta de Galicia a maiores do procedemento xeral, ofrece prazas reservadas de inclusión en varios campamentos da oferta de verán 2022 (ORDE do 9 de maio de 2022 pola que se regula a oferta de prazas xuvenís dentro do programa Campaña de verán 2022 e se procede á súa convocatoria, DOG nº94 do luns, 16 de maio de 2022)
Localizacións:
- Albergue xuvenil Mariña Española (Sada)
- Albergue xuvenil Gandarío (Bergondo)
- Campamento Xuvenil Espiñeira (Boiro)
- Campamento Xuvenil Os Chacotes (Palas de Rei)
- Albergue Xuvenil As Sinas (Vilanova de Arousa)
- Campamento Xuvenil Pontemaril (Forcarei)
Requisitos:
- Idades: De 9 a 18 anos.
- Residir en Galicia.
- Non padecer enfermidade transmisible con risco de contaxio.
- Discapacidade igual ou superior ao 33%.Deberán facer constar esta circunstancia no formulario de solicitude, co fin de planificar os apoios persoais necesarios, se os precisase.
- En función do tipo de discapacidade poderá exceptuarse, de ser o caso, o requisito de saber nadar.
- As persoas con discapacidade deben optar, polo procedemento xeral ou polo procedemento das prazas reservadas para inclusión. Quedarán excluídas no suposto de que presenten a solicitude por ambos os procedementos.
- As persoas menores en situación de tutela ou garda pola Administración, e que se atopen en acollemento residencial, poderán participar nesta convocatoria.
- Ningunha persoa participante poderá ser admitida en máis dun campamento por ano.
- A praza adxudicada será intransferible.
Servizos ofertados:
- Un programa de actividades de carácter sociocultural, recreativo, formativo e convivencial, que posibilite a participación da persoa moza.
- Aloxamento en albergue ou campamento xuvenil.
- Manutención en réxime de pensión completa.
- O material necesario para a actividade.
- Un equipo técnico de persoal especializado en animación sociocultural e actividades de tempo libre e actividades náuticas, de ser o caso.
- Para o caso das persoas con necesidades especiais por razón da súa discapacidade, disporase de persoal de apoio que conte con formación e experiencia para atender as súas necesidades.
- Atención sanitaria de primeiros auxilios e seguro de accidentes.
Solicitudes:
- Do 18 ao 26 de maio de 2022. 7 días hábiles, a partir do día seguinte ao da publicación no Diario Oficial de Galicia.
- Impreso de solicitude para prazas reservadas para inclusión de persoas con discapacidade: (INDIVIDUAL: procedemento BS303G MÚLTIPLE: procedemento BS303H). Preferiblemente por vía electrónica.
Máis información: http://xuventude.xunta.es/accion-de-veran, na oferta de Verán 2022 (páxinas 19 a 42) e no DOG nº94, do luns 16 de maio de 2022
Prazas de campamentos de verán da Dirección Xeral de Maiores e Persoas con discapacidade da Xunta de Galicia.
A Dirección Xeral de Maiores e Persoas con discapacidade oferta 200 prazas nos campamentos específicos para persoas con discapacidade.
Localizacións:
- Albergue Xuvenil Gandarío (Bergondo)
- Residencia de Tempo Libre de Panxón (Nigrán)
- Residencia de Tempo Libre do Carballiño (Ourense)
Requisitos:
- Ter recoñecida unha porcentaxe de discapacidade igual ou superior ao 33%
- Ter unha idade comprendida entre os 11 e os 50 anos.
- Non presentar trastornos que poidan alterar a convivencia durante o transcurso da actividade.
- Ter unha capacidade mínima de comunicación e de participación nas actividades que se van desenvolver.
- Ter unha mobilidade acorde coas características da instalación que solicita.
- Non padecer enfermidade transmisible con risco de contaxio nin sintomatoloxía compatible coa Covid-19.
- Ningunha persoa participante poderá ser admitida en máis dun campamento por ano.
- A praza adxudicada será intransferible.
Servizos ofertados:
- Un programa de actividades de carácter sociocultural, recreativo, formativo e convivencial.
- O aloxamento nun albergue ou nunha residencia, segundo o destino solicitado.
- A manutención en réxime de pensión completa.
- O material necesario para a actividade.
- Un equipo técnico de persoal especializado en animación sociocultural e actividades de tempo libre e actividades náuticas, de ser o caso; e persoal de apoio para atender as necesidades das persoas asistentes.
- Atención sanitaria de primeiros auxilios e seguro de accidentes.
Solicitudes:
- O prazo de presentación das solicitudes está aberto ata o día 3 de xuño de 2022.
- As solicitudes, acompañadas do informe médico, presentaranse preferiblemente por vía electrónica a través do formulario normalizado
- Informe médico
- Impreso de solicitude
Máis información:
Na páxina de Política Social, ou documento da oferta
*As ofertas non son excluíntes. Pódense preentar solicitudes ás dúas convocatorias.
Archivada en:
Infórmate > Noticias