tecnoloxia

A Federación AUTISMO GALICIA vén de por en marcha a Rede Galega Comunitaria de Autoapoio, a través dun blog aloxado na súa páxina web.

A este blog terán acceso todas as persoas relacionadas coa atención ao colectivo con TEA (entidades, profesionais da atención sanitaria e educación, voluntariado, persoal laboral), e tamén calquera persoa interesada nos problemas dos Trastornos do Espectro Autista ou afectada por estes dalgunha maneira.

Para participar neste blog, só hai que crear unha conta de usuario/a, e enviar os comentarios ou intervencións que se desexe realizar.

A Rede Galega Comunitaria de Autoapoio está pensada para ser un instrumento de participación e intercambio de información, aproveitando o pulo das novas tecnoloxías e as oportunidades de contacto que ofrecen. Así,  persoas ubicadas en lugares distantes, e que moitas veces se ven imposibilitadas de asistir a encontros ou tomar parte en actividades que poderían facilitar o manexo das situacións cotiás, terán a posibilidade de facer preguntas, contar experiencias, coñecer pautas de actuación e falar con profesionais e outros membros da comunidade que viven as mesmas situacións.

Grazas por participar.

Colabora:

Deputación de A Coruña
Consellería de Traballo e Benestar

Tags: