A acción formativa supón un aspecto básico no desenvolvemento, non só da dimensión profesional das persoas, senón tamén da súa dimensión humana. A formación continua é unha necesidade e un obxectivo primario que a Federación AUTISMO GALICIA se marca para o desenvolvemento óptimo no traballo coas e para as persoas con T.E.A.

Pero tamén é un obxectivo da Federación AUTISMO GALICIA proporcionar formación axeitada á sociedade en xeral interesada no coñecemento do noso eido de actuación, así como ofertar formación xeral en colaboración con outros organismos.

O Departamento de Formación da Federación AUTISMO GALICIA canaliza a súa acción formativa nas seguintes direccións:

SERVIZO DE FORMACIÓN INTERNA

• Formación dirixida aos/ás traballadores/as, voluntarios/as e directivos/as da propia Federación.
• Formación dirixida aos/ás traballadores, voluntarios/as e directivos/as das entidades e organizacións membro asociadas á Federación.

SERVIZO DE FORMACIÓN EXTERNA

• Xornadas e Cursos de Información Especializada
• Cursos AFD (antiguos FIP)
• Cursos do Plan Nacional de Formación e Inserción Profesional