O Departamento de Emprego, no que se integra organicamente o Servizo Integral de Emprego (SIE) da Federación AUTISMO GALICIA, nace coa finalidade de traballar de cara a favorecer a inserción laboral das persoas con Trastornos do Espectro Autista (T.E.A.), requisito básico para acadar a súa plena integración social.

A inclusión laboral é un factor primordial do desenvolvemento individual e da autodeterminación do individuo, que inciden directamente na mellora da súa calidade de vida.

Todas as persoas con Trastornos do Espectro Autista teñen certas habilidades que lles permiten desenvolver tarefas laborais con maior ou menor autonomía. Existen diferentes servizos ou programas que posibilitan o paulatino acceso ao emprego destas persoas. Traballar para que as persoas con T.E.A. accedan a eses servizos é un dos obxectivos do Departamento de Emprego, así como dar a coñecer ao sector empresarial e á sociedade en xeral, as capacidades laborais dos/as nosos/as usuarios/as.

Este servizo conta na actualidade coas seguintes áreas:

AXENTE DE EMPREGO

• Prospección de empresas, recursos de promoción económica e iniciativas innovadoras de xeración de emprego.
• Fomento de proxectos de autoemprego e asesoramento sobre axudas aos mesmos.
• Detección das necesidades formativas e educativas do colectivo.
• Fomento da inserción laboral do colectivo identificando as necesidades de persoal das empresas e propoñendo accións de mellora da empregabilidade.

ORIENTACIÓN LABORAL

• Orientación individualizada aos demandantes de emprego sobre as posibilidades formativas e laborais existentes no momento.
• Avaliación do perfil curricular de cada demandante.
• Elaboración de Itinerarios Personalizados de Inserción.
• Planificación de xornadas formativas.

Guía empregamos

Coñéceos, emprégaos