autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

O Cermi Galicia agradece o compromiso da Xunta para garantir as políticas dirixidas á discapacidade

Correo-e Imprimir PDF

Autismo Galicia estivo presente onte mércores, a través do seu Vicepresidente, Cipriano Jiménez Casas, nunha xuntanza que a Conselleira de Traballo e Benestar –Beatriz Mato- mantivo en San Caetano con representantes do Cermi Galicia, entidade da que a nosa Federación é membro xunto con outras sete organizacións autonómicas do sector da discapacidade.

Na xuntanza, todos os membros do Cermi Galicia foron recibidos pola Conselleira, quen estivo acompañada polo seu equipo de traballo, a Secretaria Xeral de Política Social, Coro Piñeiro, e mailos Directores Xerais das áreas de emprego, Ana Díaz, Amparo González e Odilio Martiñá.

Última actualizaciónfeita en Xoves, 10 Maio 2012 14:17

Autismo Ourense participa na IX Feira da Saúde

Correo-e Imprimir PDF

Como vén sendo tradición, a Asociación Autismo Ourense participa na IX Feira da Saúde que abriu o mércores 9 de maio os seus expositores nos Xardíns do Bispo Cesáreo da capital ourensá. Este ano, -e facéndose eco do lema da campaña de sensibilización ‘El autismo te habla, sigue las señales’ lanzada por Autismo España- a principal mensaxe que se está transmitindo desde o stand de Autismo Ourense é a constatación do aumento da prevalencia dos trastornos do espectro do autismo na poboación e os principais indicadores de alarma que deben levar aos pais a consultar cos equipos de valoración e diagnóstico.

Última actualizaciónfeita en Xoves, 10 Maio 2012 11:23

I Conferencia Internacional de Novas Tecnoloxías para Persoas con TEA

Correo-e Imprimir PDF

Do 6 ao 8 de xullo de 2012 terá lugar en Valencia a Primeira Conferencia Internacional de Novas Tecnoloxías para Persoas con Trastornos do Espectro do Autismo (TEA). Este simposio está patrocinado por Autismo Speaks, a Fundación Adapta e Fundación Orange.

Os obxectivos que expón este encontro son:

-Presentar os últimos achados de investigación.
-Presentar testemuños de uso de programas tecnolóxicos por parte de profesionais da intervención, familiares e das propias persoas con autismo.
-Crear un espazo de retroalimentación que se nutra con achegas e ideas dos usuarios das tecnoloxías.
-Definir un campo de actuación amplo e estable da utilización da tecnoloxía en persoas con autismo.

Última actualizaciónfeita en Luns, 07 Maio 2012 17:37

Xornadas sobre Protección Xurídica e Discapacidade

Correo-e Imprimir PDF

Autismo Galicia estivo presente nas Xornadas sobre Protección Xurídica e Discapacidade celebradas os pasados 3 e 4 de maio na Escola Galega de Administración Pública (EGAP) (Santiago de Compostela).

A Fundación Gavela de axuda a persoas con enfermidade mental organizou este evento en colaboración coa EGAP co obxectivo de facilitar aos profesionais vinculados a este eido coñecementos actualizados sobre a protección xurídica das persoas con discapacidade conforme a Convención.

O encontro serviu tamén para crear un foro de intercambio entre as entidades e profesionais que en Galicia dirixen a súa actividade ás persoas con capacidade modificada xudicialmente, asumindo medidas de apoio e protección (fundamentalmente tutelares).

Última actualizaciónfeita en Luns, 07 Maio 2012 15:36

Páxina 113 de 122

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.