autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

PROGRAMA DE FORMACIÓN DA FEDERACIÓN AUTISMO GALICIA

Correo-e Imprimir PDF

 

PROGRAMA DE FORMACIÓN DA FEDERACIÓN AUTISMO GALICIA


O servizo de formación pretende dar resposta ás necesidades de distintos colectivos ligados aos TEA ben por seren familiares, ben por traballar con estas persoas ou por querer comezar a facelo.

EN BREVE ABERTO PRAZO DE MATRÍCULA.

En Autismo Galicia desenvolvemos actividades formativas para:

Profesionais:

Formación dirixida a profesionais interesados en formarse no ámbito do autismo. A súa finalidade é formar e divulgar o coñecemento sobre os TEA.

Persoas desempregadas:

Formación específica dirixida a persoas traballadoras desempregada no ámbito dos TEA. A súa finalidade é mellorar as súas posibilidades de inclusión laboral.

Voluntarios:

Formación dirixida a voluntarios e voluntarias e persoas interesadas nas labores de voluntariado. A súa finalidade é acadar unha maior integración do voluntario na entidade e mellorar a súa cualificación para facilitar o seu traballo.

Capacitación dos RRHH:

Formación dirixida ao persoal técnico da Federación Autismo Galicia. A súa finalidade é actualizar os seus coñecementos e mellorar a súa capacitación profesional.

Última actualizaciónfeita en Venres, 04 Xaneiro 2019 13:55

Accesibilidade no Concello de Sada coa implantación de 819 pictogramas.

Correo-e Imprimir PDF

O Concello de Sada únese ao Proxecto de Accesibilidade Cognitiva de Autismo Galicia coa colocación de  pictogramas en espazos  municipais.

PICTOGRAMAS, QUE FACILITAN A VIDA ÁS PERSOAS.

Os edificios públicos do  Concello de Sada son, a partir de hoxe, máis comprensibles para as persoas con Trastorno do Espectro do Autismo (TEA) grazas ao Programa de Accesibilidade  Cognitiva promovido pola Federación Autismo Galicia.

 

Da  man de Isabel Reimúndez Suárez, da Concellería de  Benestar Social e  Igualdade, en colaboración  coa Federación Autismo Galicia.

A implantación de 819 pictogramas realizouse nos seguintes espazos:  Edificio  de  servizos administrativos, OMIX, Casa de Cultura e biblioteca, Casa  do  Concello,  Xulgado de paz, Oficina de Turismo Centro de  servizos sociais e aulas colindantes, Pavillón polideportivo, Campo de Fútbol “ As  mariñas”, Piscina municipal,  Ceip- IES O Mosteiron, Centro de Día (Mondego),  Ceip  Barrie da Maza, CEIP “ Sada e os seus contornos”,  EEI  Carnoedo,  EEI  Galiña Azul ( Mondego), IES Isaac Diaz Pardo e  EEI  Florita.

O proxecto realizado no Concello de Sada supón un esforzo pola sensibilización e concienciación sobre as persoas con Trastorno do Espectro do Autismo e as súas dificultades cognitivas e de comunicación.

 

 

As persoas con Trastornos  do Espectro  do Autismo (TEA) son pensadores visuais, polo que comprenden mellor a información que se presenta de forma visual. Por iso, para facer a súa contorna máis accesible nos axudamos de apoios visuais, pictogramas, que son debuxos sinxelos que representan espazos e accións de maneira simplificada.

Os pictogramas supoñen para as persoas con autismo, persoas maiores ou mesmo estranxeiros, claves visuais claras e seguras que lles sitúan no espazo e no tempo e anticípanlles os feitos que van ocorrer, o que lles conduce cara a un estado de benestar e seguridade.

 

 

Última actualizaciónfeita en Luns, 31 Decembro 2018 11:48

Programa de Accesibilidade Cognitiva da Federación Autismo Galicia

Correo-e Imprimir PDF
PICTOGRAMAS, QUE FACILITAN A VIDA ÁS PERSOAS

O Concello de  Malpica únese ao Proxecto de Accesibilidade Cognitiva de Autismo Galicia coa colocación de  pictogramas en  espazos  municipais.

Os edificios públicos do  Concello de Malpica  son, a partir do día 18 de decembro, máis comprensibles para as persoas con Trastorno do Espectro do Autismo (TEA) grazas ao Programa de Accesibilidade  Cognitiva promovido pola Federación Autismo Galicia.

 


 

Da  man da Concellería de Educación e Cultura do  Concello de Malpica de Bergantiños co responsable do departamento desta Concellería, Antón Lois Noceda Carballo, en colaboración  coa Federación Autismo Galicia. A implantación de 129 pictogramas realizouse nos seguintes espazos: centro  cívico, casa de cultura de Seaia, Centro sociocultural das pozacas e o pavillón polideportivo municipal.

O proxecto realizado no Concello de Malpica supón un esforzo pola sensibilización e concienciación sobre as persoas con Trastorno do Espectro do Autismo e as súas dificultades cognitivas e de comunicación.

 

 

As persoas con Trastornos  do Espectro  do Autismo (TEA) son pensadores visuais, polo que comprenden mellor a información que se presenta de forma visual. Por iso, para facer a súa contorna máis accesible nos axudamos de apoios visuais, pictogramas, que son debuxos sinxelos que representan espazos e accións de maneira simplificada. Os pictogramas supoñen para as persoas con autismo, persoas maiores ou mesmo estranxeiros, claves visuais claras e seguras que lles sitúan no espazo e no tempo e anticípanlles os feitos que van ocorrer, o que lles conduce cara a un estado de benestar e seguridade.

 

 

Última actualizaciónfeita en Xoves, 20 Decembro 2018 14:12

A Federación Autismo Galicia presenta o proxecto UN DE CEN, Comprendendo o Espectro. INFORMACIÓN - SENSIBILIZACIÓN - FORMACIÓN

Correo-e Imprimir PDF
UN DE CEN, Comprendendo o Espectro: INFORMACIÓN - SENSIBILIZACIÓN - FORMACIÓN

 

O pasado día martes 18 de decembro pechamos o ano presentando o proxecto "UN DE CEN" no salón nobre do pazo de Fonseca. O proxecto xurde da Federación Autismo Galicia, en colaboración coa USC, co obxectivo de contribuír a xerar unha mirada máis ampla ao redor da singularidade das persoas con trastorno do espectro autista.

A apertura e Conducción do acto estivo a cargo da Vice reitora da Universidade de Santiago de Compostela, dona María do Mar Lorenzo Moledo. O acto contou cos  agradecementos da presidenta da Federación Autismo Galicia dona María José Álvarez Folgar, a presenza do Director Xeral de Maiores e Persoas con Discapacidade, don Ildefonso de la Campa Montenegro, a intervención da Concelleira de Políticas Sociáis, Diversidade e Saúde, e Cen-tros Cívicos, dona Concepción Fernández Fernández, pechando o acto coas amables palabras da Conselleira de Educación, Universidade e Formación Profesional, dona Carmen Pomar.

Amenizou o acto as interpretacións da Orquesta de Castro Navas, da Fundación Menela

 

 

Mostra UN DE CEN

No marco da presentación do proxecto inagurouse a mostra "UN DE CEN" no claustro alto do Colexio de Fonseca que podedes visitar ata o 18 de xaneiro. Unha mostra organizada pola Federación Autismo Galicia, en colaboración coa USC. O obxectivo é contribuír a xerar unha mirada máis ampla ao redor da singularidade das persoas con trastorno do espectro autista.

 

 

O proxecto “UN DE CEN. COMPRENDENDO O ESPECTRO”


É un proxecto que xorde en relación á nova edición do Calendario 2019 da Federación Autismo Galicia, e consta de varias instancias no seu desenvolvemento.
Deseñouse a imaxe de cada mes do calendario a partir de traballos realizados coas persoas que conforman as nosas entidades. A presentación do calendario faise no marco desta mostra que exhibe parte dos traba-llos, xerando visibilidade en torno á actual prevalenza de 1 caso de TEA por cada 100 nacementos.


Ciclo de charlas- formativas impartidas por profesionais da rede de servi-zos de entidades da Federación Autismo Galicia, nas distintas universidades con áreas vinculadas a devanditos servizos.

O deseño do calendario, e a propia mostra, foron concibidos en torno a esta prevalenza e cun abordaxe de formulación artística, a partir de dinámicas e traballos realizados nas nosas entidades.
O mesmo día da presentación do calendario e inauguración da mostra, dimos paso a seguinte parte do proxecto que constará dun Ciclo de charlas- formativas impartidas por profesionais da rede de servi-zos de entidades da Federación Autismo Galicia, nas distintas universidades con áreas vinculadas a devanditos servizos.

 


O obxectivo xeral do proxecto é o de crear unha chamada de atención, contribuír a xerar unha mirada máis ampla e profunda en torno á singularidade das persoas con Trastorno do Espectro do Autismo e poder ampliar o coñecemento naqueles sectores profesionais vinculados a mellora da calidade de vida das per-soas con TEA e as súas familias. A tales efectos trazarase un vínculo coas distintas Universidades da co-munidade, partindo da Universidade de Santiago de Compostela.
O Proxecto “UN DE CEN. Comprendendo ou espectro.” defínese como unha oportunidade de xerar, en primeira instancia unha chamada ao interese xeral, así como un achegamento de coñecementos específi-cos para os futuros profesionais na súa etapa de formación.


Unha formación específica máis que necesaria, tendo en conta a prevalenza actual de 1 caso de Tea por cada 100 nacementos, e indicando os recentes estudos o seu incremento potencial.
Nesta mostra expositiva podemos apreciar o traballo conseguido no proceso de creación das imáxenes que formarán parte do novo Calendario da Federación Autismo Galicia. Co obxectivo de poder apreciar o parti-cular xeito de percibir o mundo das persoas con TEA e como esta se traduce nunha creatividade e unha imaxinación desbordantes dando como resultado unhas capacidades fóra do normal para plasmar concep-cións da realidade en obras de arte.

 


UN DE CADA CEN

Nos últimos anos, o número de casos identificados de autismo. aumentou considerablemente en todos os países onde se realizaron estudos de prevalenZa.

Aínda que hai moitas variacións entre os estudos e países, as estimacións rondan o 1% da poboación, 1 de cada 100 nenos nados presenta TEA. En España hai máis de 450.000 persoas con TEA.

 

 

Si como dicimos a concienciación do autismo entre os profesionais é importante para a prevalencia, tamén e importante a formación de estes mesmos profesionais para mellorar a calidade de vida das persoas con autismo e as súas familias. Esta formación proveeraos dunha atención que facilite os apoios e intervencións específicas e de calidade, en distintos aspectos e tipoloxías de necesidades ( atención temperá, educación, e emprego, etc ) promovendo a reivindicacións e o exercicio efectivo dos dereitos e igualdade de oportunidades para as persoas con TEA.

Entre todas as alteracións da pauta típica de desenvolvemento, posiblemente una das que expoñan un maior reto para profesionais sexan os trastornos do espectro do autismo. Enfrontarse a estas alteracións, desde calquera perspectiva profesional, require posuír unha serie de coñecementos teóricos que ofrezan a posibilidade de comprender e interpretar condutas desconcertantes, así como manexar alternativas de intervención diversas que permitan elixir as adecuadas a cada caso e contexto.

 

Última actualizaciónfeita en Xoves, 20 Decembro 2018 13:47

Páxina 6 de 130

Este sitio utiliza cookies para mellorar a experiencia do usuario. Se non cambia a configuración do seu navegador, Vostede acepta o seu uso. + INFO.