autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

O Concello de cangas únese aos máis de 15.000 pictogramas colocados pola Federación Autismo Galicia

Correo Imprimir PDF
No hay traducciones disponibles.

Por un mundo máis compresible.

O Concello de Cangas únese ao Proxecto de Accesibilidade Cognitiva de Autismo Galicia coa colocación de  pictogramas nos centros educativos.

Os centros educativos do Concello de Cangas serán, a partir de hoxe, máis comprensibles para as persoas con Trastorno do Espectro do Autismo.

 

Autismo Galicia, coa colaboración da Xunta de Galicia a Fundación ONCE e a Concellería de ensinanza e deporte dirixida por Xoán Carlos Chillón Iglesias, leva a cabo o proxecto de Accesibilidade Cognitiva,.cuxa finalidade é a mellora da accesibilidade cognitiva nos centros educativos do Concello mediante a colocación de pictogramas Arasaac.

 

 

Se leva a cabo nun total de 8 espazos, con máis de cincocentos pictogramas, nos que se atopan o CEIP Nazaret, CEIP A Rúa, CEIP Castrillón, CEIP O Hío, CEIP Espiñeira de Aldán, CEIP San Roque Darbo, a Escola infantil Galiña Azul de O Hío e a Escola infantil Galiña azul Choupana.

O propósito é facilitar a adaptación, a información e a comprensión do medio ás persoas con autismo e outras persoas con discapacidades cognitivas, persoas maiores, persoas estranxeiras que non falan o idioma, persoas con danos neurolóxicos así coma para poboación en xeral.

Lembramos que as persoas con Trastornos  do Espectro  do Autismo (TEA) comprenden mellor a información que se presenta de forma visual. Por iso, para facer a súa contorna máis accesible utilízanse os  pictogramas, que son debuxos sinxelos que representan obxectos e accións de maneira simplificada.  Estes sistemas de comunicación alternativos supoñen claves visuais claras e seguras que lles sitúan no espazo e no tempo e anticípanlles os feitos que van ocorrer, o que lles conduce cara a un estado de benestar e seguridade.

 

 

 

Última actualización en Viernes, 14 de Junio de 2019 10:08

Autismo Galicia forma a profesionais do ámbito do Ocio e Tempo Libre no Concello de Ponteareas

Correo Imprimir PDF
No hay traducciones disponibles.

O Ocio e tempo libre compren unha función de vital importancia no desenvolvemento da persoa con autismo. Moitas das persoas con autismo dependen das súas familias para o seu ocio e desfrute, sendo poucos os recursos e profesionais que teñen en conta nas programacións as características das persoas con autismo.

 

 

Co obxectivo de mellorar o acceso das persoas con autismo ás diferentes alternativas de ocio e deporte, Autismo Galicia realizou un curso de formación o día 11 de Xuño en colaboración coa asociación Familias azuis e o Concello de Ponteareas, para profesionais que desenvolverán actividades de Ocio e tempo libre con persoas con TEA.

 

 

O curso asistiron un total de 31 participantes, profesionais que participarán coas entidades de Autismo Galicia  e  outros profesionais que desempeñan a súa labor como monitores, animadores socioculturais e técnicos deportivos de Concellos como  Ponteareas, Salvaterra, Cambados, etc.   Esta xornada achegou á profesionais de ocio e deporte, as características das persoas con TEA, así como medidas de intervención e acompañamento que poden poñer en práctica nas súas actividades.

Poñemos en valor o interese de profesionais da zona Sur de Galicia no curso e a implicación de estes profesionais no seu traballo o que pon de manifesto a predisposición para mellorar na participación e apoio das persoas con Autismo da nosa comunidade.

 

Última actualización en Viernes, 14 de Junio de 2019 08:47

As familias de persoas con TEA fórmanse para anticipar o verán.

Correo Imprimir PDF
No hay traducciones disponibles.

Autismo Galicia forma a 35 familias en APOIOS VISUAIS PARA MELLORAR A VIDA DÁS PERSOAS CON TEA.

 

Algunha vez fixécheste algunha das seguintes preguntas:

pero se utilizo apoios visuais non se volverá máis vago?; como podo facer para que non lle afecten tanto os cambios?; por que non me fai caso por máis que lle ensino o pictograma? ; que é mellor, utilizar fotos ou pictogramas?; por que seguimos tendo tantos problemas se lle anticipamos tódalas actividades?; por que faime caso soamente cando o debuxei se entendeume perfectamente ao dicirllo con palabras?; como podo saber se segue precisando este apoio visual?.

 

 

Anticipando o verán

No curso do sábado 8 de xuño da federación Autismo Galicia déronse resposta a estas e a outras moitas interrogantes sobre o bo e mal uso dos apoios visuais, e de que maneira podemos utilizalos para axudar ao noso fillo a vivir máis tranquilo, aprender cousas, ser máis flexible, auto regular o seu comportamento, relacionarse mellor con outras persoas, etc., dende un enfoque práctico a través de numerosos exemplos.

Se fixeron prácticas para preparar a nova entrada do verán e anticipar os cambios que isto conleva. Unha formación destinada exclusivamente a familias de persoas con TEA

 

O curso estivo a cargo de Marlene Horna Castiñeiras, Licenciada en Psicoloxía, Diploma de Estudos Avanzados e Master en Atención Temperá. Conta con máis de 15 anos de experiencia no ámbito dos Trastornos do Espectro do Autismo. Posúe ampla experiencia como docente, adquirida en numerosos cursos promovidos por diversas institucións, universidades e asociacións. Na actualidade traballa de forma autónoma en entornos  naturais e na Asociación Bata.

 

Última actualización en Miércoles, 12 de Junio de 2019 09:17

Guía ELECCIÓNS MUNICIPAIS E EUROPEAS DO 26 DE MAIO 2019

Correo Imprimir PDF
No hay traducciones disponibles.

 

 

 

icon Guía ELECCIÓNS MUNICIPAIS E EUROPEAS DO 26 DE MAIO 2019

 

Esta guía nace da necesidade de adaptar os procesos e espazos electorais a cidadanía para que poidan exercer con plenitude o seu dereito ao voto, seguindo o artigo 21 da Declaración Universal dos Dereitos Humanos.

A finais do ano pasado (BOE do 6 de decembro de 2018 ) o Boletín Oficial do Estado publicou a Lei Orgánica de modificación da Lei do Réxime Electoral Xeral (Loreg), que permite a todas as persoas con discapacidade, sen exclusións, exercer o seu dereito a voto.

Nas eleccións municipais e europeas que se celebrarán o vindeiro domingo 26 de maio votarán por primeira vez as persoas con TEA que estaban incapacitadas xudicialmente, sendo o obxectivo da Federación Autismo Galicia facilitar a súa participación e garantir o seu dereito ao voto.

Mediante a elaboración dunha guía práctica adaptada e apoiada con pictogramas, pretendemos facilitar a comprensión daquelas persoas que se benefician de apoios visuais.

A fonte destes pictogramas é ARASAAC (Portal Aragonés da Comunicación Alternativa e Aumentativa) e poden atoparse instrucións para o seu uso e colocación na guía de descarga gratuíta editada pola Federación “Comprendo o meu entorno”

Para facer máis eficaz este dereito debemos adaptar os procesos ás diferentes necesidades que poidan presentar as persoas con discapacidade ou con calquera tipo de dificultade ou trastorno. O primeiro paso é eliminar as barreiras tanto arquitectónicas como cognitivas ( accesibilidade universal) que permitan un acceso pleno ao exercicio do voto.

A accesibilidade é unha característica dun espazo ou servizo que fai que calquera persoa poida utilizalo de forma autónoma, independentemente dás súas particularidades físicas, sensoriais ou intelectuais.

A accesibilidade cognitiva abarca todas aquelas estratexias que axudan a que as persoas que presentan necesidades derivadas de procesos cognitivos diferentes poidan acceder á información e procesala para utilizala na súa adaptación ao medio.

No caso das persoas con TEA, unha área de especial dificultade é o procesamento da información que vén da contorna social e a interacción con outras persoas. Por iso, é importante levar a cabo unha mellora da sinalización dos espazos e a secuencia de acción a realizar en cada un deles, como se propón na guía descargable para estas eleccións municipais e europeas.

Apertas e a votar!!

Última actualización en Viernes, 24 de Mayo de 2019 13:32

Página 1 de 133

Este sitio utiliza cookies para mejorar la experiencia de usuario. Si no cambia la configuración de su navegador, Ud. acepta su uso. + INFO.