Noticias
1 de 1
© Federación Autismo Galicia | 18/04/2024 | A toma de decisión do paciente con TEA no Día Europeo dos Dereitos dos Pacientes.
A toma de decisión do paciente con TEA no Día Europeo dos Dereitos dos Pacientes.
O 18 de abril celébrase o Día Europeo dos Dereitos dos Pacientes, unha xornada que pon o foco sobre os nosos dereitos como pacientes, como o dereito ó consentimento informado e a participación nas decisións sobre a súa saúde, un dos 14 dereitos que se recollen na Carta Europea dos Dereitos dos Pacientes.
O 18 de abril celébrase o Día Europeo dos Dereitos dos Pacientes, unha xornada que pon o foco sobre os nosos dereitos como pacientes, como o dereito ó consentimento informado e a participación nas decisións sobre a súa saúde, un dos 14 dereitos que se recollen na Carta Europea dos Dereitos dos Pacientes.
18/04/2024
Como cada ano desde o ano 1997, este día celébrase o Día Europeo dos Dereitos dos Pacientes, que é unha iniciativa promovida por un colectivo cidadán chamado Active Citizenship Network (ACN), que agrupa a diversas organizacións europeas co obxectivo de mellorar a participación dos cidadáns nas decisións políticas que lles afectan.
En 2002, a ACN elaborou unha Carta Europea de Dereitos do Paciente, baseada á súa vez na Carta de Dereitos Fundamentais da Unión Europea. Esta Carta inclúe 14 dereitos dos pacientes en relación a súa saúde.
A Federación Autismo Galicia non se esquece e este ano quérese centrar na toma de decisións dos pacientes con TEA.
Como ben puidemos comprobar no vídeo que publicou a FAG desde o programa de mellora de atención sanitaria e saúde a pacientes con autismo coa colaboración da asociación Trascos, en Ourense, no ano 2022, Cristian e Adrián, dous mozos con TEA, explicaron as dificultades que atopaban á hora de ir á consulta do médico.
Adrián na primeira pregunta contestou que o médico dirixiuse en todo momento ó seu pai, e non a el mesmo. Esta é unha realidade demasiado frecuente que invisibiliza ás persoas con TEA, ó tardar estes máis tempo en asimilar a información e é máis sinxelo para os médicos falar coas persoas neurotípicas, que entenden ó mesmo ritmo que o médico, cando en realidade o paciente (neste caso) non era o pai de Adrián, senón el mesmo.
Cando a información e a toma de decisións cura.
Imaxinen como se sentiu nese intre o propio Adrián cando a persoa que ten que velar pola súa saúde (aínda que sexa un gran profesional e atinara no seu tratamento) non lle mirara ós ollos e lle explicara o seu diagnóstico a el mesmo.
Cóntanmos o noso compañeiro, Xavier García-Armero, miembro de la "Consultoría Autista" persoa con autismo e traballador na Federación Autismo Galicia:
Eu mesmo tiven bastantes experiencias en temas de saúde e nalgunha ocasión non foi unha experiencia agradable, porque sentinme ignorado e non tiveron en conta a miña opinión. Os pacientes con TEA teñen dereito a ter a súa propia toma de decisións nos temas médicos xa que trátase da súa saúde. ¿Quen mellor que eles mesmos para saber o que eles mesmos opinan? Pode que teñan máis dificultades á hora de recoñecer ou expresar o que teñen que dicir, mais iso non significa que non saiban o que queren transmitir.”
Se os médicos interactúan coas persoas con autismo sen ter en conta as nosas propias opinións, obvio é que as experiencias que poidamos ter no tema de saúde causarannos ansiedade ou estrés ó volver a algunha cita médica.Os profesionais sanitarios, desde o meu punto de vista, deberían escoitarnos con atención e darnos o tempo necesario para poder expresar o que sentimos nese intre. Canto maior sexa a información que lles poidamos transmitir ós médicos, máis seguridade teriamos as persoas con autismo á hora de asistir á consultas; ó fin e ó cabo, temos os mesmos dereitos e convivimos todos na mesma sociedade.
Se es profesional sanitario podes consultar a GUÍA DE COMUNICACIÓN E ATENCIÓN AO PACIENTE CON AUTISMO que editou a Federación Autismo Galicia.
Apoderando a Autonomía: O Dereito das persoas con Autismo a tomar decisións na súa saúde.
O dereito das persoas con autismo a tomar decisións na súa saúde é fundamental e debe ser plenamente recoñecido e respectado. Isto implica asegurar que estas persoas teñan a oportunidade e os medios para expresar as súas preferencias e participar activamente en todas as decisións relacionadas coa súa atención médica.
É importante adoptar un enfoque centrado na persoa, que teña en conta as necesidades individuais, as capacidades de comunicación e as preferencias de cada persoa autista. Isto pode implicar proporcionar apoios e recursos adecuados, como a comunicación visual, a simplificación da información e a utilización de sistemas de apoio para a toma de decisións.
Ademais, é crucial involucrar ás persoas con autismo en todas as etapas da súa atención médica, desde a planificación e o consentimento informado ata a implementación de tratamentos e a avaliación de resultados. Garantir a súa participación activa e a súa capacidade para tomar decisións sobre a súa saúde é fundamental para promover a súa autonomía e o seu benestar xeral.
O principio de respecto pola autonomía das persoas, nun marco ético de exercicio da liberdade moral, busca a participación das persoas nas decisións no ámbito da súa atención de saúde, o que require incorporar o seu mundo de valores e preferencias, sustentadas na súa historia de vida, as súas crenzas e propósitos. Cando as decisións incorporan a participación dos pacientes, son de mellor calidade e teñen mellores resultados na atención de saúde.
Archivada en:
Infórmate > Noticias