autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

O Congreso apoia unanimemente a creación dunha estratexia nacional de autismo

Correo-e Imprimir PDF

O Congreso dos Deputados aprobou este martes por unanimidade unha proposición non de lei que pide ao Goberno que estudie a posibilidade de elaborar e desenvolver unha Estratexia Nacional de Autismo, destinada a mellorar o acceso á educación e ao emprego das persoas con trastorno do espectro do autismo (TEA).


A iniciativa, presentada pola deputada do PP Amparo Ferrando, demanda ao Executivo que estude, en colaboración coas comunidades autónomas e o terceiro sector de acción social, a elaboración e o desenvolvemento dunha Estratexia Nacional de Autismo que contemple protocolos de atención nos eidos da sanidade, a cultura, o emprego e a educación.


Última actualizaciónfeita en Xoves, 20 Novembro 2014 13:42 Ler máis...

Mercadiño solidario de Os Mecos

Correo-e Imprimir PDF

A Asociación de Nais e Pais de Persoas con Autismo Os Mecos, co apoio do Concello de Vilagarcía de Arousa, organiza un mercadiño solidario os días 5, 6 e 7 de decembro na Praza da Peixería da vila.

Para esta terceira edición do mercadiño solidario, Os Mecos pide a colaboración dos seus veciños, que poderán doar obxectos para poñer á venda, así como achegarse a mercar na fin de semana do evento. As persoas que merquen os artigos participarán tamén nun sorteo de lotes de productos doados por comercios locais en apoio á asociación que se celebrará o día 7 de decembro.

Os cartos recadados con esta iniciativa destinaranse a financiar actividades extraescolares destes nenos con trastorno do espectro do autismo que lles resultan imprescindibles para o seu desenvolvemento físico, psicolóxico e relacional.

Aquelas persoas que desexen doar obxectos para a súa venda no mercadiño poden poñerse en contacto coa asociación no teléfono 986 508 929.

Última actualizaciónfeita en Luns, 17 Novembro 2014 14:59

Autismo España cumpre 20 anos

Correo-e Imprimir PDF

A Confederación Autismo España, que agrupa na actualidade a 69 entidades de todo país dedicadas ao autismo, cumpre 20 anos coa vista posta no futuro. Para celebrar o seu aniversario, lanza a campaña “20 años, 20 deseos” coa que anima ao público a establecer sa metas para 2034.

Que desexas para as persoas con TEA? Que avances para as persoas con TEA che gustaría contar en 2034? Con estas dúas preguntas Autismo España anima a familias, profesionais, representantes de organización políticas ou sociais e a calquera persoa a formular os seus desexos para 2034.

Para participar na campaña, abonda con deixar unha mensaxe a través deste enlace á páxina de Facebook de Autismo España ou ben enviar un tweet co hashtag #20años20deseos. Os resultados dos desexos propostos pola xente, serán presentados nun acto o vindeiro día 12 de decembro na Secretaría de Estado de Servizos Sociais e Igualdade.

 

Última actualizaciónfeita en Luns, 17 Novembro 2014 14:04

Autismo Vigo organiza a súa cea benéfica anual

Correo-e Imprimir PDF

O sábado 22 de novembro a asociación Autismo Vigo celebrará a súa cea benéfica anual no Hotel Pazo Los Escudos co obxectivo de recadar fondos para manter os servizos que presta ás persoas con trastornos do espectro do autismo da cidade de Vigo.

Entre os asistentes ao evento, sortearanse varias obras doadas á asociación por artistas galegos como os pintores Leonardo Rial, Maite López ou Marisa Taboada e o escultor Andrés Conde.

Autismo Vigo traballa dende 1999 en prol das persoas con autismo e conta na actualidade con 27 usuarios dos seus servizos.

Cando? Sábado 22 de novembro ás 21:30

Onde? No Hotel Pazo Los Escudos (Avda Atlántica, 106, Vigo)

Achega: 50€ por persoa. Existe unha Mesa 0 para aquelas persoas que non asistan á cea pero desexen colaborar.

Reservas e doazóns: ES72 2080 5049 66 3000054747 (Abanca), indicando o nome e número de comensales.

Máis información: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou por teléfono no 986 437 263 ou 654 509 276.

Última actualizaciónfeita en Mércores, 12 Novembro 2014 11:47

Páxina 1 de 64