autismogalicia.org

  • Increase font size
  • Default font size
  • Decrease font size
  • Español
  • Galician (Galego)

Federación Autismo Galicia

Ángel Carracedo: “Unha das cousas máis importantes para min era facer que o diagnóstico clínico do TEA fose un dereito”

Correo-e Imprimir PDF

 

O esforzo por comprender levou a este home natural de Santa Comba a se converter nun dos investigadores galegos máis destacados no eido da xenética. Gañou importantes recoñecementos na investigación como o Premio Rei Xaime I, outorgado por un xurado de premios Nobel, ou a Medalla de Ouro de Galicia; foi presidente da Sociedade Internacional de Xenética Forense e é vicepresidente da Academia Internacional de Medicina Legal. Profeta na súa terra e tamén fóra, o catedrático de Medicina Legal participou en investigacións de calado internacional como o Proxecto do Xenoma Humano e a el recorren policías e investigadores de todo o mundo.

Ángel Carracedo é recoñecido, ademais de polo seu percorrido profesional, pola súa visión humanizada da ciencia e o seu compromiso coa divulgación científica.

Na actualidade dirixe a Fundación Pública Galega de Medicina Xenómica (SERGAS) e o Centro Nacional de Xenotipado (Universidade de Santiago), centros que colocou xunto co seu equipo na vangarda mundial da investigación xenética. Encabeza un estudo que conta co apoio da Fundación María José Jove e a participación das familias galegas no que tentan desentrañar as causas xenéticas do autismo e a súa relación cos síntomas que se detectan nas persoas afectadas por este trastorno.

Última actualizaciónfeita en Xoves, 30 Outubro 2014 15:33 Ler máis...

O maior estudo ata a data descobre máis de 100 xenes que causan autismo

Correo-e Imprimir PDF

No estudo participan Mara Paralleda, do Hospital Gregorio Marañón, e Ángel Carracedo, profesor da Universidade de Santiago e director da Fundación Pública Galega de Medicina Xenómica


O estudo máis grande feito ata a data sobre autismo permitiu a un equipo internacional de investigadores identificar máis dun centenar de xenes relacionados con este trastorno, un avance que permitirá mellorar o diagnóstico e buscar tratamentos futuros para curar esta desorde. Os trastornos do espectro autista (TEA) son un conxunto de alteracións neurolóxicas que interfiren no desenvolvemento infantil e que alteran a conduta e a capacidade de comunicación e linguaxe das persoas afectadas.


Este trastorno diagnostícase clinicamente en base aos síntomas que presentan estas persoas. Á hora de diagnosticalo xeneticamente, os especialistas só podían confirmar un 20% dos casos porque só había nove xenes identificados e relacionados co autismo. Agora, o maior estudo sobre autismo feito ata a data permitiu identificar 33 novos xenes causantes deste trastorno e outros 74 que «case seguro» tamén o provocan.


A investigación, publicada en Nature, foi realizada por 37 grupos de científicos de todo o mundo especializados en TEA e dirixidos polo doutor Joseph D. Buxbaum, profesor de Psiquiatría, Neurociencia e Xenética e Xenómica do Hospital Monte Sinaí de Nova York e director do Seaver Autism Center. Neste selecto equipo investigador hai dous especialistas españois: a doutora Mara Paralleda, do Hospital Gregorio Marañón e o doutor Ángel Carracedo, profesor da Universidade de Santiago e director da Fundación Pública Galega de Medicina Xenómica.

Última actualizaciónfeita en Xoves, 30 Outubro 2014 10:13 Ler máis...

Doctor Tea axudará ás persoas con autismo no acceso aos servizos sanitarios

Correo-e Imprimir PDF

Fundación Orange e o Hospital Gregorio Marañón de Madrid presentaron Doctor Tea, unha aplicación pioneira para a atención sanitaria ás persoas con trastornos do espectro do autismo co obxectivo de diminuír os seus niveis de estrés e ansiedade nestas situacións.


Esta aplicación web permitirá aos pacientes con autismo familiarizarse coas instalacións do hospital, cos seus profesionais, os instrumentos e as probas médicas que nel se poden realizar. O programa inclúe fotografías, debuxos animados, animación 3D, filmacións real e multitude de tarefas en forma de xogos que axuden ás persoas con TEA a comprender as situacións e contextos sociais nos que se atopan.

Última actualizaciónfeita en Xoves, 30 Outubro 2014 08:53 Ler máis...

A estratexia para as persoas con TEA a debate no Pleno do Congreso

Correo-e Imprimir PDF

  • A deputada do Grupo Popular e vicepresidenta primeira da Comisión para as Políticas Integrais da Discapacidade do Congreso, Amparo Ferrando, levará ao Pleno do Congreso, mediante unha Proposición non de Lei, a estratexia específica para as persoas con Trastorno do Espectro do Autismo (TEA) e as súas familias.
  • Confederación Autismo España, Federación Asperger España e Federación Española de Autismo (FESPAU) consideran moi satisfactorio o avance logrado.

 

A deputada do Grupo Popular e vicepresidenta primeira da Comisión para as Políticas Integrais da Discapacidade do Congreso, Amparo Ferrando, recibiu o pasado mércores á tres entidades representantes do autismo a nivel estatal. Dita reunión tivo lugar dentro do marco de traballo iniciado trata comparecencia no Congreso o pasado mes de maio, para reivindicar unha estratexia política específica para as persoas con TEA e as súas familias.

Entre as propostas presentadas pola Confederación Autismo España, Federación Asperger España e FESPAU para ser recollidas na iniciativa popular inclúense medidas no eido da sanidade, a educación, o emprego, a vida adulta, a vivenda e a calidade e sustentabilidade dos servizos.

Así, no eido da saúde, cabe destacar a demanda para promover medidas de detección precoz nos TEA e acceso a un diagnóstico e intervención especializados.

No aspecto educativo, tomar medidas que garantan a inclusión escolar e o éxito educativo do alumnado con TEA mediante a especialización, innovación e flexibilización das modalidades de escolarización ao longo de tódalas etapas da vida.

No que se refire ao emprego, adoptar medidas que garantan unha oferta flexible e especializada de recursos e servizos (formación e capacitación laboral, atención diurna, etc.) ao finalizar a etapa educativa. E, por último, medidas que aseguren a calidade e sustentabilidade dos apoios facilitados, sen que se produzan retrocesos nos estándares obtidos.

La Confederación Autismo España, Federación Asperger España y Federación Española de Autismo (FESPAU), consideran muy satisfactorio el avance logrado, que califican de “sin precedentes para el movimiento asociativo de personas con TEA”. Asimismo valoran que haya sido posible gracias a la convergencia asociativa de las tres entidades que representan el autismo a nivel estatal y que han trabajado bajo una única voz a favor de las personas con autismo y sus familias, así como a la implicación de los responsables en el Congreso de las políticas de la discapacidad.

A Confederación Autismo España, Federación Asperger España e FESPAU consideran moi satisfactorio o avance logrado, que califican de “sen precedentes para o movemento asociativo de persoas con TEA. Así mesmo, valoran que sexa posible gracias á converxencia asociativa das tren entidades que representan o autismo a nivel estatal e que traballaron baixo unha única voz a favor das persoas con autismo e as súas familias, así como a implicación dos responsables no Congreso das políticas de discapacidade.

 

Fonte: Autismo España

 

 



Última actualizaciónfeita en Venres, 24 Outubro 2014 09:08

Páxina 1 de 63